தமிழ்ப் புத்தாண்டு ( சித்திரைத் திருநாள் ):
 |
| தமிழ்ப் புத்தாண்டு |
தமிழ் புத்தாண்டு என்பது
தமிழர்களின் பாரம்பரியப் புத்தாண்டு — புதிய ஆண்டு பிறப்பைக் கொண்டாடும் ஒரு
முக்கிய விழா ஆகும். இது தமிழ் நாட்காட்டியின் சித்திரை மாதம் முதல் நாளில்
ஒவ்வொரு ஆண்டும் சிறப்பாகக் கொண்டாடப்படுகிறது.
முக்கிய அம்சங்கள்:
கொண்டாட்டம் மற்றும் சிறப்பு முறைப்பாடுகள்:
- வீட்டை சுத்தம் செய்தல்.
- வாசலில் கோலம் இடுதல்.
- புதிய உடைகளை அணிதல்.
- பெரியோர்களிடமிருந்து ஆசிர்வாதம் பெறுதல்.
- பிள்ளையார் மற்றும் குலதெய்வ வழிபாடு.
- "கனி காணுதல்" (புத்தாண்டுக் காலை கண் விழிக்கும்போதே செல்வம், நற்கதிர், பழங்கள், நாணயம் முதலியவற்றைக் கொண்ட புண்ணியத் தட்டைப் பார்ப்பது).
- அறுசுவை உணவுகள் தயாரித்தல்
- உறவுகள் மற்றும் நண்பர்களிடம் வாழ்த்துகளை பகிர்ந்துகொள்வது
பருவமழை மற்றும் சூரியன் இடமாற்றம் போன்ற காலநிலை காரணிகளால் சிறு மாற்றங்கள் இருந்தாலும், சித்திரை மாதத் தொடக்கம் தான் நிரந்தரப் புத்தாண்டாக ஏற்கப்படுகிறது.
2025–2026 ஆண்டிற்கான தமிழ்ப் புத்தாண்டு பெயர்: விசுவாவசு (Visuvavasu).
இந்த விழாவை இந்தியா, இலங்கை, மலேசியா, சிங்கப்பூர் ஆகிய நாடுகளில் வாழும் தமிழர்கள் அனைவரும் சிறப்பாகக் கொண்டாடுகின்றனர்.
பண்பாட்டு முக்கியத்துவம்:
தமிழர் வாழும் நாடுகளில், மரபு, குடும்ப உறவுகள், சமூக ஒற்றுமை, மற்றும் நல்லதற்கான நம்பிக்கை ஆகியவை இந்த நாளின் மூலமாக வலுப்படுத்தப்படுகின்றன. இது ஒரு பண்பாடாகப் பார்க்கப்படுகிறது.தமிழர்களின் புத்தாண்டு எது ?
- சித்திரை மாதத்தை ஆண்டின் தொடக்கமாகக் கொண்டாடும் வழக்கம் 9-ஆம் நூற்றாண்டுக்கு முன்னரே தமிழகத்தில் நிலவி வந்துள்ளது என்ற பல வரலாற்று குறிப்புகள் உள்ளன.
- சோழர் ஆட்சிக் காலம் (9ஆம்–13ஆம் நூற்றாண்டுகள்) தமிழ் நாட்காட்டி நிலைபெற்றதும், புத்தாண்டு சித்திரை முதல் நாளாகக் கொண்டாடப்பட்டதற்கும் ஆதாரங்கள் உள்ளன.
- சில இலக்கியங்கள் "ஆவணி" மாதத்தை தொடக்கமாக குறிப்பிட்டிருந்தாலும், அதற்கான மதிப்புமிக்க பண்டிகைச் சான்றுகள் இல்லை என அறிஞர்கள் கூறுகின்றனர்.
- 20ஆம் நூற்றாண்டில், “சித்திரை” மற்றும் “தை” இரண்டும் புத்தாண்டாக விவாதிக்கப்பட்டது.
2008–2011 காலத்தில், தை மாதம் புத்தாண்டாக அறிவிக்கப்பட்டது. பின்னர் அரசியல், பொருளாதாரம் மற்றும் சமூக பரிமாணங்களைக் கருத்தில் கொண்டு, மீண்டும் சித்திரை புத்தாண்டு தமிழக அரசால் நிரந்தரமாக உறுதி செய்யப்பட்டது.
அறிவியல் மற்றும் கால அளவுக்கான விளக்கம்:
தமிழ் புத்தாண்டு என்பது சூரியன் மேஷ ராசியில் நுழைவதை
அடிப்படையாகக் கொண்டது.
இதைப் பொருத்தவரை, பூமி சூரியனை ஒரு முறை சுற்றும் நேரம் — 365 நாட்கள், 6 மணி, 11 நிமிடங்கள், 48 வினாடிகள் —
தான் ஒரு தமிழ் வருடம் ஆகும்.
- வானியல் தரவுகளையும்
- பழம்பெரும் பண்டிகைக் கணக்குகளை அடிப்படையாகக் கொண்டது.
சித்திரை மாதம் முதல் நாள் – இலக்கியச் சான்றுகள்:
பழைய தமிழ் நூல்கள்:
- நெடுநல்வாடை,
- புட்பவிதி,
- மலைபடுகடாம்
இவற்றில், சித்திரை மாதம் ஆண்டின் தொடக்கமாகக் குறிப்பிடப்படுகிறது. மேலும், 15ஆம் நூற்றாண்டைச் சேர்ந்த புட்பவிதி போன்ற இலக்கியங்களும் சித்திரையை புத்தாண்டாக ஆதரிக்கின்றன.
தை மாதத்தைப் புத்தாண்டாகக் கருதும் முன்மொழிவைச் சில அறிஞர்கள் மு. வரதராசன், மறைமலை அடிகள் போன்றோர் வலியுறுத்தியுள்ளனர்.
சிலகாலம் அரசியல் காரணங்களால், “தை” மாதம் புத்தாண்டாக அறிவிக்கப்பட்டு நடைமுறைப்படுத்தப்பட்டது. பின்னர் மீண்டும் “சித்திரை” மாதம் புத்தாண்டாகக் கொண்டுவரப்பட்டது. இலங்கையில், ஈழப் புத்தாண்டும் தை மாதத்தில் கொண்டாடப்பட்ட நிகழ்வுகளும் உள்ளன.
முக்கியக் கருத்தாக, ஆதிகாலத் தமிழர்கள் விவசாயம், பருவநிலை மாற்றங்கள் மற்றும் சூரிய நுழைவுகளை அடிப்படையாகக் கொண்டு புத்தாண்டைக் கொண்டாடியதாக அறிஞர்கள் குறிப்பிடுகின்றனர்.இன்றும், சித்திரை மாதத்தின் முதல் நாளைத்தான் பெரும்பாலான தமிழரும் உலக நாடுகளில் வாழும் தமிழர்களும் தமிழ்ப் புத்தாண்டாகக் கொண்டாடுகின்றனர்.
கவனிக்க வேண்டியது என்னவெனில், தமிழ்ப் புத்தாண்டு கொண்டாட்டத்திற்கு வரலாற்று ஆதாரங்கள் மற்றும் பழங்கால இலக்கியச் சான்றுகள் முழுமையாக இல்லை என்றும், சில மாறுபட்ட கருத்துகளும் காணப்படுகின்றன. “புத்தாண்டு” நாட்காட்டி தொடர்பான வழக்காடல்கள், இலக்கியப் பார்வைகள் மற்றும் அரசியல் நிலைப்பாடுகள் காரணமாக பல்வேறு விசாரணைகள் தொடர்ந்து நடைபெற்று வருகின்றன. சுருக்கமாக, தமிழ்ப் புத்தாண்டு வரலாறு மிகவும் பழமையானது. சித்திரை மாதத்தின் முதல் நாள் புதிய வருடத்தின் தொடக்கமாக தமிழர் வாழ்க்கை முறையும் பல ஆதாரங்களும் உறுதிப்படுத்துகின்றன.
இருப்பினும், பொதுவான நடைமுறை மற்றும் பாரம்பரிய ஆதாரங்கள் பெரும்பாலும் சித்திரை மாதத்தையே புத்தாண்டாக உறுதிப்படுத்துகின்றன.
இந்திரவிழா கொண்டாட்டம்
 |
| இந்திர விழா |
கொஞ்சம் சிந்திப்போமா?
அப்பா! இன்னிக்கு தமிழ்ப் புத்தாண்டு தானா?
ஏஞ்சாமி! அப்படி கேட்கிறே? இல்லப்பா, டிவியில் எல்லாம் தமிழ்ப் புத்தாண்டு வாழ்த்துகள் சொல்றாங்களே. அதான் கேட்டேன்.
என்னன்னு சாமி சொல்றாங்க... ‘ஸ்ரீ விசுவாவசு வருட தமிழ்ப் புத்தாண்டு வாழ்த்துகள்’ன்னு சொல்றாங்கப்பா.
"ஸ்ரீ விசுவாவசு" என்பதே தமிழ்ச்சொல் இல்லையே செல்லம்.
"ஸ்ரீ விசுவாவசு"ன்னா என்ன அர்த்தம் தெரியுமா? "விசுவாவசு"ன்னா "நற்குணங்கள்"ன்னு அர்த்தமாம் சாமி.
அப்படின்னா போன வருஷத்துக்கு என்ன பேருப்பா? அதுவா சாமி, "பிலவ" பேருப்பா.
அதாவது, தமிழ்ச்சொல்லாப்பா? இல்லடா கண்ணுக்குட்டி, அதுவும் தமிழ்ச்சொல்லே இல்ல. அதுமட்டுமல்ல – அறுபது வருடங்களுக்குள்ள உள்ள பெயர்களில் ஒன்றுமே தமிழ்ச்சொல்லே இல்லை சாமி!?
ஒரு பெயர் கூட தமிழில் இல்லையென்றால், அப்புறம் எப்படிப்பா இது "தமிழ்ப் புத்தாண்டு"ன்னு என்று சொல்வது? நல்ல கேள்வி சாமி. இப்படித்தான் கேள்வி கேட்கணும். கேள்வி கேட்டால்தான் சிந்திப்போம். உண்மை எது? பொய் எதுவென்று யோசிப்போம்.
வெறுமனே “இது எங்களோட நம்பிக்கை”ன்னு சொல்லிக்கொண்டே இருந்தால், முன்னோர்கள் முட்டாள்களா இருந்தார்கள் என்று அர்த்தமா?
அப்பா, இன்னைக்கு எதுவுமே பண்டிகை இல்லையா? இருக்கு தானே!
முன்னாடி கோடை மழை பெய்ய ஆரம்பிக்கும்போது, நிலத்தை உழுது விவசாயம் செய்ய முந்தைய மக்கள் "பொன்னேர் பூட்டுதல்"ன்னு ஒரு வழக்கமாகக் கொண்டாடுவார்கள்.
அதற்குப் பிறகு, அறுவடை முடித்த மகிழ்ச்சியில் சித்திரை மாதம் வரும் முழுநிலவு நேரத்தில் "இந்திர விழா" நடக்குமாம்.
ரொம்ப நாட்களுக்கு முன்னாடி இங்கு வந்த சிலர், தங்களது வசதிக்காக "யாரும் கேள்வி கேட்கக் கூடாது"ன்னு ஆக்கி, கடவுள் நம்பிக்கையையும் அதன் பெயரிலும் புதிதாக கதையை நமக்குள் நுழைய வைத்தார்கள். நாம் கும்பிட்டிருந்த சாமிக்குள்ளே அவர்கள் சாமியைச் சேர்த்து கதை எழுதி, கடைசியில் எது உண்மை என்றே தெரியாமல் கலந்து வைத்துவிட்டார்கள்.
அப்பா, நாம் இன்று என்னதான் கொண்டாடலாம் என்று சொல்கிறீர்கள்? நாம் இதை ‘சித்திரைத் திருநாள்’ என்று கொண்டாடலாமே! இல்லை ‘பொன்னேர் பூட்டுதல்’ என்று கொண்டாடலாமே! இல்லை ‘இந்திர விழா’ என்று கூட சொல்லலாமே! சித்திரை மாத இரவுகளில் வானம் மிகத் தெளிவாக, பேரொளியுடன் காட்சியளிக்கும் நிலவு. அறுவடை முடிந்த மகிழ்வில், அக்கால உழவர் பெருமக்கள் கொண்டாடும் மகிழ்ச்சிக் காலமிது. மருத நிலத்திற்குரிய தெய்வமான இந்திரனுக்காக, நன்றி தெரிவிக்க ஆற்றங்கரைகளில் "இந்திர விழா" நடைபெற்று வந்ததாகப் பழந்தமிழ் இலக்கியங்கள் சொல்கின்றன.
இந்திர விழா – பண்டைத் தமிழரின் பருவ விழா:
இந்திர விழா என்பது பண்டைய தமிழ் சமூகத்தில் ஆண்டுதோறும் சித்திரை மாத பௌர்ணமி (முழுநிலவு) நாளில் (ஏப்ரல்–மே) திருவிழாவாக சிறப்பாகக் கொண்டாடப்பட்ட முக்கியமான பண்டிகையாகும்.சிலப்பதிகாரம், மணிமேகலை போன்ற சங்ககால இலக்கியங்களிலும், வாழும் மரபுப் பகுதிகளிலும் இந்த விழாவின் மாபெரும் முக்கியத்துவம் பற்றியும், நடைபெறும் காலக் குறிப்புகள் பற்றியும் குறிப்பிடப்பட்டுள்ளது.
விழா நடைபெறும் நாள் பற்றிய முக்கிய தகவல்:
- சங்ககால பாரம்பரியத்தின்படி, இந்திர விழா சித்திரை மாத பௌர்ணமி அன்று நடைபெறும்.
- சில
பண்டைச் சான்றுகளின்படி, சித்திரை
பௌர்ணமிக்கு ஏழு நாட்களுக்கு முன் “கால்கோள்” நிகழ்வு மூலம் விழா தொடங்கப்படும்.
- இலங்கை உள்ளிட்ட சில பகுதிகளில், இன்றும் சித்திரை பௌர்ணமி அன்று இந்திர விழா நடைபெறுகிறது.
- பூம்புகார், செம்பியன் நகரம் போன்ற பழைய தமிழரின் புகழ்பெற்ற நகரங்களில், இந்திர விழா மிகச் சிறப்பாகக் கொண்டாடப்பட்டது.
- இந்த விழா பெரும்பாலும் மழை வேண்டி, நிலத்தில் பசியும், பிணியும், மற்றும் பகையும் இல்லாமல் இருக்க வேண்டி செய்யப்படும் சாந்திப் பெருவிழா ஆகும்.